ჰუმანიტარული ჯგუფები ისრაელს მოუწოდებენ ღაზაში ჰუმანიტარული დახმარების მიწოდებით მანიპულაცია შეწყვიტოს. ერთობლივ განცხადებას ხელს 100-ზე მეტი ორგანიზაცია აწერს. მათი თქმით, რეგიონში კრიზისი სულ უფრო მწვავდება და ათასობით ადამიანი შიმშილობს.

ჰუმანიტარული ჯგუფები, მათ შორის Oxfam და „ექიმები საზღვრებს გარეშე“ (MSF), აცხადებენ, რომ მათ სულ უფრო ხშირად ეუბნებიან, რომ „არ აქვთ უფლებამოსილება“ დახმარება მიაწოდონ პალესტინელებს, თუ ისინი ისრაელის მკაცრ რეგულაციებს არ დაიცავენ.

ისრაელი დახმარების მიწოდებაზე შეზღუდვების არსებობას უარყოფს და აცხადებს, რომ მარტში შემოღებული წესები უზრუნველყოფს, რომ ჰუმანიტარული დახმარების გადანაწილება ისრაელის „ეროვნული ინტერესების“ შესაბამისად განხორციელდეს.