რუსეთის როსტოვის ოლქში დრონით თავდასხმის შედეგად, სულ მცირე, 13 ადამიანი დაშავდა, - ამის შესახებ ინფორმაციას რუსული მედია როსტოვის ოლქის გუბერნატორის მოვალეობის შემსრულებელზე, იური სლიუსარზე დაყრდნობით ავრცელებს.

რუსული მედიის ინფორმაციით, დრონით თავდასხმის შემდეგ ქალაქ დონის როსტოვში საგანგებო რეჟიმი გამოცხადდა.

„ბოლო ინფორმაციით, საავადმყოფოებში 2 ადამიანი გადაიყვანეს. მათი მდგომარეობა მძიმეა. ამჟამად, საავადმყოფოებში კიდევ 11 ადამიანი გადაჰყვათ“, - განაცხადა როსტოვის ოლქის გუბერნატორის მოვალეობის შემსრულებელმა.

ასევე, სლიუსარის ცნობით, თავდასხმის შედეგად ქალაქში რამდენიმე საცხოვრებელი კორპუსი დაზიანდა.