რუსული მხარის ინფორმაციით, კურსკში, უკრაინული დრონით განხორციელებული თავდასხმის შედეგად, ერთი ადამიანი დაიღუპა და 10 დაშავდა
უკრაინული დრონით კურსკში, საცხოვრებელ სახლზე განხორციელებული თავდასხმის შედეგადაც ერთი ქალი დაიღუპა, - ამის შესახებ რეგიონის გუბერნატორის მოვალეობის შემსრულებელმა, ალექსანდრე ხინშტეინმა განაცხადა.
„წინასწარი ინფორმაციით, მტრის დრონი ღამით კურსკის ჟელეზნოდოროჟნის რაიონში მრავალსართულიან შენობას დაესხა თავს. დარტყმის შედეგად ხანძარი გაჩნდა, ერთი ქალი დაიღუპა“, - აღნიშნა გუბერნატორის მოვალეობის შემსრულებელმა.
მისი ინფორმაციით, კიდევ ათი ადამიანი დაშავდა და ყველა მათგანი სამედიცინო დახმარებას იღებს.
