რუსებმა უკრაინას 10 რაკეტითა და 270 დრონით შეუტიეს, - ამის შესახებ ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

უკრაინის საჰაერო ძალების ცნობით, რუსებმა უკრაინის მიმართულებით 270 „შაჰედის“ ტიპის დრონი, „ისკანდერ-მ“ ტიპის 5 ბალისტიკური და Х-101-ის ტიპის 5 ფრთოსანი რაკეტა გაუშვეს.

საჰაერო თავდაცვის ძალებმა „ისკანდერ-მ“ ტიპის 2 რაკეტა, 230 დრონი და Х-101-ის ტიპის 4 ფრთოსანი რაკეტა ჩამოაგდეს.

„4 რაკეტისა და 40 დრონის დარტყმა 16 ლოკაციაზე დაფიქსირდა, ხოლო რაკეტების ნამსხვრევები სამ ლოკაციაზე ჩამოვარდა“, - აცხადებენ უკრაინის საჰაერო ძალებში.