ჩვენთვის რუსეთს ვერავინ შეცვლის, - ამის შესახებ ბელარუსის პრეზიდენტმა, ალექსანდრე ლუკაშენკომ ჩინეთში, რუსეთის პრეზიდენტთან, ვლადიმერ პუტინთან შეხვედრაზე განაცხადა.

„თქვენთან შეხვედრით მოხარული ვარ, რათა შანხაის თანამშრომლობის ორგანიზაციის ფარგლებში რამდენიმე მნიშვნელოვანი საკითხი განვიხილოთ. თქვენ გესმით, რომ ჩვენთვის რუსეთს ვერავინ შეცვლის. ამიტომ, დღეს ჩვენი შეხვედრა ძალიან მნიშვნელოვანია“, - განაცხადა ლუკაშენკომ.

ვლადიმერ პუტინმა აღნიშნა, რომ რუსეთსა და ბელარუსს „ძალიან მჭიდრო სახელმწიფოთაშორისი ურთიერთობები“ აკავშირებთ.

„თქვენ თქვით, რომ ბელარუსისთვის რუსეთს ვერავინ შეცვლის. მე მინდა ვთქვა, რომ რუსეთისთვის ბელარუსს ვერავინ შეცვლის“, - უპასუხა პუტინმა ლუკაშენკოს.