ეს საზარელი დანაშაული მსოფლიო მასშტაბით დაგმობას და მოქმედებას მოითხოვს. მოვუწოდებთ მსოფლიოს, დაუყოვნებლივ აიმაღლოს ხმა და იმოქმედოს, - ასე ეხმაურება უკრაინის საგარეო საქმეთა მინისტრი, ანდრეი სიბიგა დონეცკის ოლქის სოფელ იაროვაში პენსიის მისაღებად რიგში მყოფ ადამიანებზე რუსების მიერ განხორციელებულ თავდასხმას, რასაც 21 მშვიდობიანი მოქალაქის სიცოცხლე ემსხვერპლა.

მისი თქმით, ეს საზარელი დანაშაული მსოფლიო მასშტაბით დაგმობას და მოქმედებას მოითხოვს.

„მოვუწოდებთ მსოფლიოს, დაუყოვნებლივ გამოხატოს თავისი აზრი და იმოქმედოს. მოვუწოდებთ ევროპელ პარტნიორებს, შეერთებულ შტატებს, „დიდი ოცეულის“ წევრებს და ყველას, ვინც აფასებს ადამიანის სიცოცხლეს და გაერო-ს ქარტიას, მიიღონ ზომები“, - წერს სიბიგა.

მისი თქმით, უკრაინა ყველა პარტნიორს და საერთაშორისო ორგანიზაციას აწვდის ინფორმაციას ამ საშინელი დანაშაულის დეტალებს.

„ველით მკაცრ რეაგირებას. რუსი დამნაშავეები უნდა დაისაჯონ ამ და სხვა სისასტიკისთვის. რუსეთს მხოლოდ სიკვდილი, საშინელება და ნგრევა მოაქვს. კოლექტიურ და გადამწყვეტ მოქმედებას, მათ შორის დამანგრეველი სანქციებით ზეწოლას და უკრაინის თავდაცვისა და მდგრადობის დამატებით მხარდაჭერას, შეუძლია და უნდა შეაჩეროს რუსული ტერორი“, - წერს სიბიგა.