თურქეთის დედაქალაქ ანკარაში ათიათასობით ადამიანმა საპროტესტო აქცია გამართა.

დასავლური მედიის ინფორმაციით, პირდაპირი ეთერის ჩანაწერებიდან ჩანს, როგორ სკანდირებს ხალხი პრეზიდენტ რეჯეფ თაიფ ერდოღანის გადადგომის მოთხოვნას და აფრიალებენ თურქეთის დროშებსა და პარტიულ ბანერებს.

კვირას გამართულ მიტინგზე სიტყვით გამოსვლისას, ოპოზიციონერმა ლიდერმა ოზგურ ოზელმა განაცხადა, რომ მთავრობა ცდილობს ხელისუფლებაში მოკალათებას დემოკრატიული ნორმების ძირის გამოთხრით და ოპოზიციის მიერ ბოლო ერთი წლის განმავლობაში ადგილობრივ არჩევნებში გამარჯვების შემდეგ განსხვავებული აზრის ჩახშობით.

მედია წერს, რომ ორშაბათს სასამართლომ სავარაუდოდ, პროცედურული დარღვევების გამო, "რესპუბლიკური სახალხო პარტიის" (CHP) 2023 წლის ყრილობის შედეგების ბათილად ცნობის შესახებ გადაწყვეტილება უნდა მიიღოს, რამაც მედიის ცნობით, გავლენა შესაძლოა მოახდინოს 2028 წელს დანიშნული საყოველთაო არჩევნების საკითხზე. ასევე, არ არის გამორიცხული სასამართლომ გადაწყვეტილების მიღება გადადოს.