„მიმინო“ არის ასეთი კინო-ფილმი და იქ, ერთ-ერთი ასეთი ეპიზოდია- ჭაღს გააფუჭებს პერსონაჟი, როგორ გააფუჭეო, რომ ეკითხებიან, [პასუხობს,] სკამით გავედე შემთხვევითო. აი, ასე დაინგრა თქვენი ჯებირიც. რასაც მიაწვენ ის ჩამოვარდა. ჭიშკარს რომ მისწოლოდნენ ჭიშკარი ჩამოვარდებოდა, - ასე უპასუხა პრემიერ-მინისტრმა ირაკლი კობახიძემ კითხვას, 4 ოქტომბრის აქციის დღეს, აქციის მონაწილეთა მხრიდან ათონელის რეზიდენციის ღობის მორღვევაზე.

ამასთან, ირაკლი კობახიძის განმარტებით, დამხობის შესახებ ინფორმაციას ტელევიზიებიდან იღებდა.

„ტელევიზიებიდან, ტელევიზიებში საუბრობდნენ პირდაპირ იმაზე, რომ აპირებდნენ დამხობას. ეს იყო მთავარი წყარო ჩემთვის. „მშვიდობიანი დამხობა“, რა არის?.. იყო ერთ-ერთი ექსტრემისტული ორგანიზაცია, რომელმაც გამოაცხადა „ლეგიტიმური ჯიჰადი“, აი, ზუსტად იგივეა „მშვიდობიანი დამხობა“, რაც არის „ლეგიტიმური ჯიჰადი“. ამასთან დაკავშირებით სტრასბურგის სასამართლოს გენიალური გადაწყვეტილება აქვს მიღებული,რომ „ლეგიტიმური ჯიჰადი“ არ არსებობს, იგივე „მშვიდობიანი დამხობა“. დამხობა არის ძალადობრივი.

რაც შეეხება ჯებირს, მინდა შეგახსენოთ, რომ თავის დროზე, კანცელარიის შენობის წინ ზუსტად ასეთივე რკინის ღობე იყო აღმართული, რაც ცოტა ამახინჯებდა იერ-სახეს და დავსვი კითხვა, დავუსვი კითხვა მაშინდელ შს მინისტრს, რამეს აკეთებდა თუ არა ეს ღობე და იყო თუ არა რეალურად რაიმესგან დამცავი. მარტივად მითხრა, რომ ნებისმიერი 10 კაცის ძალა არის მაქსიმუმ საკმარისი იმისთვის, რომ ეს ღობე მოიშალოს. მივიღეთ მარტივი გადაწყვეტილება, არც დამცავი ეფექტი ჰქონდა, ამახინჯებდა იერ-სახეს და მაშინვე მოვშალეთ ღობე. რკინის ღობე, არის ათონელი, არის ისტორიული უბანი - თეორიულად შეიძლება, რომ იქ აღმართო ბლოკებით და აგურით აშენებული ღობე, რაც ბუნებრივია, დაამახინჯებდა იერ-სახეს. არის ის იერ-სახე, რაც უხდება ამ ულამაზეს უბანს. მარტივად შეიძლება ნებისმიერი რკინის ღობის გადანგრევა, 10 კაცის ძალა არის ამისთვის საკმარისი.

„მიმინო“ არის ასეთი კინო-ფილმი და იქ, ერთ-ერთი ასეთი ეპიზოდია - ჭაღს გააფუჭებს პერსონაჟი. როგორ გააფუჭეო, რომ ეკითხებიან, [პასუხობს] სკამით გავედე შემთხვევითო. აი, ასე დაინგრა თქვენი ჯებირიც. რასაც მიაწვენ ის ჩამოვარდა. ჭიშკარს რომ მისწოლოდნენ ჭიშკარი ჩამოვარდებოდა“- განაცხადა კობახიძემ.

მისი თქმით, პარლამენტთან რკინის ბარიერები ძალიან მძიმე კონსტრუქციებით არის დაცული, რაც ჭიშკარს ამახინჯებს, მაგრამ იგივე მიზანშეწონილი არ არის ათონელთან მიმართებით.

„ხვალაც რომ იყოს ამაზე საუბარი, ვერ დავამახინჯებთ, ჩვენ ათონელზე, ქალაქის ისტორიულ უბანში ასეთ მეტალის ბარიერებს ვერ გავაკეთებთ.იქ ჩვეულებრივად დარჩება ისეთივე ჭიშკარი, რაც არის აქამდე მოწყობილი, რაც არ უნდა რისკები არსებობდეს“-განაცხადა ირაკლი კობახიძემ.

ამასთან, მისი თქმით, 4 ოქტომბრის გეგმების შესახებ ოპერატიულ ინფორმაციას ფლობდა.

„როგორ არ მქონდა [ოპერატიული ინფორმაცია],მაგრამ დამხობა რომ უნდოდათ ეს ვიცოდი ტელევიზიიდან. ყველაზე მარტივი, რამ რაც ვიცოდი, დამხობა რომ უნდოდათ, ეს ვიცოდი ტელევიზიიდან. დანარჩენი, რა თქმა უნდა უამრავი ოპერატიული ინფორმაცია მქონდა, სუს-იდან, შსს-დან და სხვა უწყებებიდან“- განაცხადა კობახიძემ.