საქართველოში ეკონომიკური სიტუაცია ცუდია და ის კიდევ უფრო უარესდება, - ამის შესახებ საქართველოს მეხუთე პრეზიდენტმა, სალომე ზურაბიშვილმა „დოიჩე ველესთან“ ინტერვიუში განაცხადა.

„ეს გამოწვეულია იმის გამო, რომ იზოლირებულები ვართ. ჩვენი პარტნიორების მიერ ორმხრივი პროგრამების უმეტესობა შეჩერებულია, როგორც ევროპელების ასევე ამერიკელების მიერ. ის, რაც არჩევნების დღეს სიმართლე იყო, დღესაც სიმართლეს წარმოადგენს, რადგან არჩევნები ოპოზიციამ მოიგო. კვლავ სიმართლეა, რომ საქართველოს მოსახლეობის დიდი უმრავლესობა პროევროპელია და რუსეთისა და მისი პოლიტიკის გამტარებლების მიერ მომავლის მიტაცებას არ ეთანხმება“, - განაცხადა სალომე ზურაბიშვილმა.

მისი თქმით, „მმართველი პარტია პროტესტის სხვადასხვა მეთოდებით ჩახშობას ცდილობს“.

„მათ შორის, ჯარიმებით ქუჩაში მყოფი ადამიანების წინააღმდეგ, ასევე სამსახურიდან გათავისუფლებით, მაშინ, როდესაც ქვეყანაში ალტერნატიული სამუშაო ადგილები არ არის. პროევროპული უმრავლესობა, რომელიც საქართველოში არსებობს, არ გამქრალა. მმართველ პარტიას მწვავე შიდა პრობლემები აქვს, რადგან ახლა ისინი არა მხოლოდ ოპოზიციის ლიდერებს აკავებენ, არამედ თავიანთ მინისტრებსაც აკავებენ კორუფციის ბრალდებით“, - აღნიშნა საქართველოს მეხუთე პრეზიდენტმა.