არსებული ინფორმაციით, პოლიციამ აქციის რამდენიმე მონაწილე დააკავა, რომელთა შორისაა 71 წლის აზა ჩილაჩავა
არსებული ინფორმაციით, პოლიციამ თავისუფლების მეტროს მიმდებარედ აქციის რამდენიმე მონაწილე, სულ მცირე სამი პირი დააკავა.
აქციის მონაწილეების ინფორმაციით, მათი დაკავება სავარაუდოდ გზის გადაკეტვას უკავშირდება.
მომიტინგეების ცნობით, დაკავებულებს შორის არის 71 წლის აზა ჩილაჩავა, რომელიც 22 ოქტომბერს სასამართლომ ადმინისტრაციულ სამართალდამრღვევად ცნო, სიტყვიერი შენიშვნა გამოუცხადა და გაათავისუფლა. მას ედავებოდნენ სახის დაფარვას.
"ინტერპრესნიუსი" დეტალების გარკვევას შსს-ში ცდილობს.
