დიმიტრი პესკოვი - ღაზას „მშვიდობის საბჭოში“ რუსეთის მონაწილეობის შესახებ საუბარი ნაადრევია
ღაზას „მშვიდობის საბჭოში“ რუსეთის მონაწილეობის შესახებ საუბარი ნაადრევია, - ამის შესახებ კრემლის პრესსპიკერმა, დიმიტრი პესკოვმა განაცხადა.
„მოსკოვს „მშვიდობის საბჭოსთან“ დაკავშირებით ჯერ კიდევ ბევრი შეკითხვა აქვს და ვიმედოვნებთ, რომ ამერიკელებისგან პასუხებს მივიღებთ“, - განაცხადა პესკოვმა.
ასევე, პესკოვმა მედიაში გავრცელებული ინფორმაცია დაადასტურა იმის შესახებ, რომ რუსეთის პრეზიდენტის წარმომადგენელი, კირილ დმიტრიევი დავოსში აშშ-ის პრეზიდენტის წარმომადგენლებს, სტივ უიტკოფსა და ჯარედ კუშნერს შეხვდება.
„შემიძლია დავადასტურო, რომ ის ამერიკული დელეგაციის ზოგიერთ წევრთან შეხვედრას გეგმავს“, - აღნიშნა კრემლის პრესსპიკერმა.
