რუსეთის ფედერაციის პრეზიდენტის სპეციალურმა წარმომადგენელმა და რუსეთის პირდაპირი ინვესტიციების ფონდის აღმასრულებელმა დირექტორმა, კირილ დმიტრიევმა აშშ-ის პრეზიდენტის სპეციალურ წარმომადგენელთან სტივენ უიტკოფთან და პრეზიდენტის სიძესთან, ჯარედ კუშნერთან დავოსში მოლაპარაკებები გამართა, - ინფორმაციას რუსული მედია ავრცელებს.

მათივე ინფორმაციით, შეხვედრა დახურულ კარს მიღმა ორ საათზე მეტხანს გაგრძელდა.

დმიტრიევის შეფასებით, შეხვედრები კონსტრუქციულად მიმდინარეობს და სულ უფრო მეტი ადამიანი აღიარებს „რუსეთის პოზიციის სისწორეს“.

ამასთან, უიტკოფმა რუსულ მედიას განუცხადა, რომ მოლაპარაკებები ძალიან პოზიტიური იყო.