სტივ უიტკოფი აცხადებს, რომ ხვალ მოსკოვში ვლადიმერ პუტინს შეხვდება
აშშ-ის პრეზიდენტის სპეციალური წარმომადგენელი სტივ უიტკოფი აცხადებს, რომ ხვალ მოსკოვში რუსეთის პრეზიდენტ ვლადიმერ პუტინს შეხვდება.
„ხუთშაბათს მასთან შეხვედრა გვაქვს. შეხვედრას თავად რუსები ითხოვენ და ვფიქრობ, ეს მათი მხრიდან მნიშვნელოვან განცხადებას წარმოადგენს“, - აღნიშნა სტივ უიტკოფმა CNBC-სთან ინტერვიუში.
უიტკოფის ცნობით, მოსკოვში დონალდ ტრამპის სიძესთან, ჯარედ კუშნერთან ერთად გაემგზავრება.
აშშ-ის პრეზიდენტის წარმომადგენლების მოსკოვში ვიზიტის შესახებ ინფორმაცია კრემლმაც დაადასტურა.
„დიახ, მსგავსი კონტაქტები პრეზიდენტის ხვალინდელ დღის წესრიგშია“, - განაცხადა კრემლის პრესსპიკერმა, დიმიტრი პესკოვმა.
