ჯანდაცვის მინისტრის ყოფილი მოადგილე ილია ღუდუშაური დააკავეს.

როგორც „ინტერპრესნიუსს" ადვოკატმა, დიმიტრი მჭედლიშვილმა განუცხადა, ღუდუშაური წუხელ დააკავეს.

მისივე ინფორმაციით, დაკავებული დიღმის იზოლატორშია გადაყვანილი.

„ჯერ არაფრის თქმა არ შემიძლია. ახლა ჩავერთე საქმეში. როგორც ვიცი, ბრალი არ აქვს წარდგენილი. საქმის მასალები ჯერ არ გადმოგვცემია, არ ვიცნობ. დღეს ვგეგმავ შესვლას და მონახულებას, შესაძლოა, ეს დაემთხვეს ბრალის წარდგენასაც. როგორ ვიცი, წუხელ დააკავეს“, - აღნიშნა ადვოკატმა.