უკრაინული მედია - რუსეთმა ხარკოვში საცხოვრებელ მაღალსართულიან შენობას დაარტყა, - დაიღუპა 3 და დაშავდა 10 ადამიანი
რუსეთმა ხარკოვში საცხოვრებელ მაღალსართულიან შენობას დაარტყა, 3 ადამიანი დაიღუპა და 10 დაშავდა, - ინფორმაციას უკრაინული მედია ავრცელებს.
ქალაქ ხარკოვის მერის, იგორ ტერეხოვის ცნობით, რუსულმა ძალებმა დარტყმა ბალისტიკური რაკეტის მეშვეობით განახორციელეს.
ხარკოვის რეგიონალური სახელმწიფო ადმინისტრაციის ხელმძღვანელის, ოლეგ სინეგუბოვის განცხადებით, დარტყმის შედეგად ხუთსართულიანი საცხოვრებელი შენობის ნაწილი ჩამოინგრა და მეზობელი შენობა დაზიანდა.
შემთხვევის ადგილზე სამძებრო-სამაშველო ოპერაცია მიმდინარეობს.
