კავკასიის მედიცინის ცენტრში, სრულიად საქართველოს კათოლიკოს-პატრიარქის, ილია მეორის ჯანმრთელობის მდგომარეობის გასაცნობად “ერთიანი ნაციონალური მოძრაობის” წარმომადგენლები მივიდნენ.

ადგილზე იმყოფებიან პარტიის თავმჯდომარე თინა ბოკუჩავა, ლევან სანიკიძე, ირაკლი ფავლენიშვილი, ხატია დეკანოიძე, ვასო ურუშაძე და ლაშა ფარულავა.

მანამდე, ილია მეორის ჯანმრთელობის მდგომარეობას ადგილზე პრემიერ-მინისტრი, ირაკლი კობახიძე; პარლამენტის თავმჯდომარე, შალვა პაპუაშვილი; მიხეილ ყაველაშვილი; მინისტრები და სხვა ოპოზიციონერი პოლიტიკოსები გაეცნენ. ასევე, თბილისის მერი, კახა კალაძე და სახალხო დამცველი, ლევან იოსელიანი. ასევე, კლინიკაში იმყოფებოდნენ სხვადასხვა ოპოზიციური პარტიის წარმომადგენლებიც.

კლინიკაში დილიდან იმყოფება ჯანდაცვის მინისტრი მიხეილ სარჯველაძე.

პოლიტიკოსებისა და პოლიტიკური თანამდებობის პირების გარდა, კლინიკაში იმყოფებიან სასულიერო პირები - საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), ასევე, საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე და სხვა სასულიერო პირები.