ისრაელ კაცი ირანის დაზვერვის მინისტრის ლიკვიდაციას ადასტურებს
ისრაელის თავდაცვის მინისტრის ისრაელ კაცის განცხადებით, თეირანში ღამით ისრაელის მიერ განხორციელებული საჰაერო დარტყმის შედეგად ირანის დაზვერვის მინისტრი, ესმაილ ხატიბი დაიღუპა.
„ირანში დარტყმების ინტენსივობა იზრდება. ღამით ირანის დაზვერვის მინისტრის, ხატიბის ლიკვიდაციაც განხორციელდა“, - აღნიშნა თავდაცვის მინისტრმა.
მისივე თქმით, დღეს „მნიშვნელოვანი სიურპრიზებია“ მოსალოდნელი.
„დღეს, ყველა არენაზე მნიშვნელოვანი სიურპრიზებია მოსალოდნელი, რაც ლიბანში ირანისა და „ჰეზბოლას“ წინააღმდეგ ჩვენს მიერ წარმოებული ომის ესკალაციას გამოიწვევს“, - განაცხადა ისრაელ კაცმა.
