ნატო ადასტურებს, რომ ირანული ბალისტიკური რაკეტა გაანეიტრალა, რომელიც თურქეთისკენ მიემართებოდა და მზადყოფნას გამოთქვამს, საფრთხეებს უპასუხოს
ნატო ადასტურებს, რომ ირანული ბალისტიკური რაკეტა გაანეიტრალეს, რომელიც თურქეთისკენ მიემართებოდა.
„ორშაბათს, 30 მარტს, ნატო-მ კვლავ წარმატებით მოიგერია ირანული ბალისტიკური რაკეტა, რომელიც თურქეთისკენ მიემართებოდა“, - აცხადებს ნატო-ს პრესსპიკერი, ალისონ ჰარტი.
მისი თქმით, „ნატო მზადაა მსგავს საფრთხეებს უპასუხოს და მოკავშირეების დასაცავად ყველაფერს გააკეთებს“.
შეგახსენებთ, თურქეთის თავდაცვის სამინისტრომ განაცხადა, რომ აღმოსავლეთ ხმელთაშუა ზღვაში განთავსებულმა ნატო-ს საჰაერო თავდაცვის სისტემებმა ირანიდან თურქეთის მიმართულებით გაშვებული მორიგი ბალისტიკური რაკეტა გაანეიტრალა. ეს ირანში ომის დაწყების შემდეგ თურქეთის მიმართულებით ბალისტიკური რაკეტის გაშვების მეოთხე შემთხვევაა.
