აშშ-ის პრეზიდენტის დონალდ ტრამპის განცხადებით, ირანის გამდიდრებულ ურანზე იდეალურად იზრუნებენ.

„მასზე იდეალურად იზრუნებენ, სხვაგვარად არ დავთანხმდებოდი“, - აღნიშნა ტრამპმა „ფრანს-პრესსთან“ სატელეფონო ინტერვიუში, თუმცა არ დაუკონკრეტებია, რისი გაკეთება იგეგმება გამდიდრებულ ურანთან დაკავშირებით.

ამასთან, კითხვაზე, არის თუ არა ცეცხლის შეწყვეტის შესახებ შეთანხმების მიღწევა გამარჯვება, აშშ-ის პრეზიდენტმა უპასუხა :

„ეს არის სრული და აბსოლუტური გამარჯვება. 100 პროცენტით. კითხვის ნიშნები არ არსებობს“, - განაცხადა ტრამპმა.

მისი თქმით, არსებობს 15-პუნქტიანი შეთანხმება, რომლის უმეტეს ნაწილზეც შეთანხმება მიღწეულია. ვნახოთ, რა მოხდება. ვნახოთ, მიაღწევს თუ არა წარმატებას“, - განაცხადა ტრამპმა.

ამასთან, შეერთებული შტატების პრეზიდენტის თქმით, მიაჩნია, რომ ჩინეთმა მნიშვნელოვანი როლი ითამაშა ირანის მოლაპარაკებების მაგიდასთან მიყვანაში.

„მესმის, რომ კი“, - უპასუხა ტრამპმა, როდესაც ჰკითხეს, მონაწილეობდა თუ არა პეკინი თეირანის დარწმუნებაში, რომ ზავის შესახებ მოლაპარაკებებში ჩართულიყო.