დღეს პაკისტანში აშშ-სა და ირანს შორის მოლაპარაკებები გაიმართება, - ინფორმაციას CNN-ი ავრცელებს.

ისლამაბადში დაგეგმილ მოლაპარაკებებზე აშშ-ის დელეგაციას ვიცე-პრეზიდენტი ჯეი დი ვენსი უხელმძღვანელებს. ასევე, დელეგაციის შემადგენლობაში აშშ-ის პრეზიდენტის წარმომადგენლები, სტივ უიტკოფი და ჯარედ კუშნერი იქნებიან.

ირანული მედიის ინფორმაციით, ქვეყნის დელეგაცია 71 ადამიანისგან შედგება, ხოლო დელეგაციას პარლამენტის თავმჯდომარე მოჰამედ ბაგერ ღალიბაფი ხელმძღვანელობს. დელეგაციის შემადგენლობაშია საგარეო საქმეთა მინისტრი აბას არაღჩიც.

CNN-ი წყაროზე დაყრდნობით წერს, რომ მხარეებს შორის მოლაპარაკებები როგორც არაპირდაპირ, ისე პირდაპირ ფორმატებში გაიმართება.

წყაროს ცნობით, მხარეები პაკისტანის შუამავლობით მოლაპარაკებების დღის წესრიგზე შეთანხმებიდან, ხოლო შემდეგ შეხვედრას პირისპირ გააგრძელებენ.