ირანის ოფიციალური პირები და პაკისტანის არმიის მეთაური ასიმ მუნირი ხუთშაბათს თეირანში მოლაპარაკებებს გამართავენ, რათა ირანსა და აშშ-ს შორის გაცვლილი შეტყობინებები განიხილონ მას შემდეგ, რაც მხარეებს შორის პაკისტანში მოლაპარაკებები ჩაიშალა, - ინფორმაციას CNN-ი ავრცელებს.

ტელეკომპანიის ცნობით, მუნირი ოთხშაბათს თეირანში ჩავიდა და ირანის საგარეო საქმეთა მინისტრს, აბას არაღჩის შეხვდა.

შეხვედრის შემდეგ არაღჩიმ განაცხადა, რომ მუნირის ირანში შეხვედრით "ძალიან კმაყოფილია". ამასთან, მისი თქმით, ირანი „რეგიონში მშვიდობისა და სტაბილურობის ხელშეწყობის“ მიმართ ერთგულია.

„ჩვენი ერთგულება რეგიონში მშვიდობისა და სტაბილურობის ხელშეწყობის მიმართ ურყევი რჩება“, - განაცხადა არაღჩიმ.

მანამდე ირანის სახელმწიფო მედიამ გაავრცელა ინფორმაცია, რომ ირანში ჩასული პაკისტანური დელეგაცია ირანულ მხარეს აშშ-სგან მესიჯს და მოლაპარაკებების მეორე რაუნდის თაობაზე გეგმებს გადასცემს.