ლიბანის არმიის განცხადებით, ისრაელმა ცეცხლის შეწყვეტის შეთანხმება დაარღვია, - ინფორმაციას BBC-ი ავრცელებს.

გამოცემის ცნობით, ლიბანის არმიის განცხადებაში აღნიშნულია, რომ დააფიქსირეს რამდენიმე თავდასხმა ისრაელის მხრიდან, მათ შორის ქვეყნის სამხრეთ ნაწილში მდებარე სოფლების პერიოდული დაბომბვები.

ლიბანის არმია იძულებით გადაადგილებულ პირებს მოუწოდებს, სიფრთხილე გამოიჩინონ სამხრეთ ქალაქებში დაბრუნებისას და თავი აარიდონ სახიფათო ზონებს.

ცნობისთვის, ისრაელსა და ლიბანს შორის 10-დღიანი ცეცხლის შეწყვეტის შეთანხმება ადგილობრივი დროით 00:00 საათზე (თბილისის დროით 01:00 საათზე) ამოქმედდა.