გაერთიანებული სამეფოს პრემიერ-მინისტრ კირ სტარმერის განცხადებით, ყველაფერს გააკეთებს, რაც შეუძლია, რათა შეამსუბუქოს ირანის წინააღმდეგ ომის გავლენა საზოგადოებაზე და ხელახლა გახსნას ჰორმუზის სრუტე.

„ძალიან მნიშვნელოვანია, შევქმნათ ქვეყნების კოალიცია იმ პრინციპის გარშემო, რომ ცეცხლის შეწყვეტა უნდა იყოს მუდმივი, უნდა იყოს შეთანხმება და ჰორმუზის სრუტე ღია უნდა იყოს. ამის გაკეთება ყველას ინტერესებშია, რადგან ირანში მიმდინარე ომში მიმდინარე მოვლენები გავლენას ახდენს თითოეული ჩვენგანის ეკონომიკაზე. სწორედ ამიტომ ერთიანდებიან ქვეყნები. ყველასთვის ნათელია, რომ იმისათვის, რომ ეს მოხდეს, ჩვენ გვჭირდება დიპლომატიური და პოლიტიკური კავშირი, ლოგისტიკური და ეკონომიკური კავშირი და გარკვეული სამხედრო დაგეგმვა და სწორედ ამისთვის ვიკრიბებით დღეს“, - აღნიშნა სტარმერმა, რომელიც პარიზში ჩავიდა მსოფლიო ლიდერების სამიტზე დასასწრებად, რომელიც ჰორმუზის სრუტის გახსნის საკითხს მიეძღვნება.

მისი თქმით, ეს სწორი მიდგომაა, რადგან რაც უფრო დიდხანს გაგრძელდება კონფლიქტი, მით უფრო დიდი იქნება მისი გავლენა.

„და მე ვაცნობიერებ, რომ ეს გავლენას ახდენს ადამიანებზე გაერთიანებულ სამეფოში და ცხოვრების ფასზე და მე, სხვა ქვეყნებთან ერთად, ყველაფერს გავაკეთებ, რათა შევამსუბუქო ეს მდგომარეობა და სრუტე რაც შეიძლება მალე გაიხსნას“, - აღნიშნა სტარმერმა.