ასეც ვფიქრობდი, რომ არაფერი მოხდებოდა ჩვენთვის სასიკეთო, - ასე შეაფასა მსჯავრდებულ ანდრო ჭიჭინაძის მამამ, ოთარ ჭიჭინაძემ მისი შვილის, ასევე, ონისე ცხადაძისა და კიდევ 9 პირის საქმეზე სააპელაციო სასამართლოს მიერ გამოტანილი გამამტყუნებელი განაჩენი.

როგორც ჭიჭინაძემ განაჩენის გამოცხადების შემდეგ ჟურნალისტებთან განაცხადა, მას სხვა გადაწყვეტილების მოლოდინი არც ჰქონია.

„გამართლდა ის მოლოდინი, რაც მქონდა, რომ აბსოლუტურად არაფერი შეიცვლებოდა. თავიდანვე ასეთი განწყობა მქონდა, რომ არაფერი მოხდებოდა ჩვენთვის სასიკეთო. ეს იყო უბრალოდ, პროცესი პროცესის გამო, რომ დაენახებინათ, რაღაც ხდება - სინამდვილეში არაფერი“,- განაცხადა ჭიჭინაძემ.

ცნობისთვის, მსჯავრდებულები, მსახიობი ანდრო ჭიჭინაძე, ონისე ცხადაძე და კიდევ 9 პირი თბილისის სააპელაციო სასამართლომაც დამნაშავედ ცნო და პირველი ინსტანციის განაჩენი - 2 წლით თავისუფლების აღკვეთა უცვლელად დატოვა.