აშშ-ის პრეზიდენტის დონალდ ტრამპის განცხადებით, აშშ იმუშავებს ირანთან, რათა მისი გამდიდრებული ურანი შეერთებულ შტატებში დააბრუნოს.

„ჩვენ ამას მოვაგვარებთ. შევალთ ირანთან ერთად, სასიამოვნო, ნელი ტემპით, ჩავალთ და დავიწყებთ გათხრებს დიდი დანადგარებით. ჩვენ მას შეერთებულ შტატებში დავაბრუნებთ“, - განაცხადა ტრამპმა Reuters-თან სატელეფონო ინტერვიუში.

ამასთან, დონალდ ტრამპმა სააგენტო „ფრანს-პრესს“ განუცხადა, რომ ირანთან სამშვიდობო შეთანხმების მიღწევისთვის არანაირი პრობლემა არ არსებობს და რომ შეთანხმება „ძალიან ახლოსაა“.

„ძალიან ახლოს ვართ. როგორც ჩანს, ეს ყველასთვის ძალიან კარგი იქნება. ჩვენ ძალიან ახლოს ვართ შეთანხმების მიღწევასთან“, - განაცხადა ტრამპმა.