ირანმა საჰაერო სივრცე ნაწილობრივ გახსნა, - ინფორმაციას The Guardian-ი ირანის სამოქალაქო ავიაციის სამსახურზე დაყრდნობით ავრცელებს.

„ირანის გავლით საერთაშორისო ფრენებისთვის ქვეყნის საჰაერო სივრცის აღმოსავლეთ ნაწილში საჰაერო მარშრუტები ღიაა“, - აცხადებს ირანის სამოქალაქო ავიაციის სამსახური.

ასევე, სამოქალაქო ავიაციის სამსახურის განცხადებით, 28 თებერვლის შემდეგ პირველად, ზოგიერთმა აეროპორტმა მუშაობა დილის 7 საათზე განაახლა.

გამოცემა The Guardian-ის ცნობით, ირანის სამოქალაქო ავიაციის სამსახურის განცხადების მიუხედავად, ქვეყნის საჰაერო სივრცეში საერთაშორისო ფრენები არ ფიქსირდება.