ემანუელ მაკრონი - ლიბანში ფრანგი მშვიდობისმყოფელი დაიღუპა, ყველაფერი იმაზე მიუთითებს, რომ თავდასხმაზე პასუხისმგებელი „ჰეზბოლაა“
ლიბანში ფრანგი მშვიდობისმყოფელი დაიღუპა , - ინფორმაციას საფრანგეთის პრეზიდენტი ემანუელ მაკრონი ავრცელებს.
ემანუელ მაკრონის ცნობით, ფრანგი სერჟანტი-მაიორი ფლორიან მონტორიო სამხრეთ ლიბანში, გაერო-ს დროებითი ძალების (UNIFIL) წინააღმდეგ თავდასხმის შედეგად დაიღუპა.
ასევე, თავდასხმის შედეგად UNIFIL-ის სამი ჯარისკაცი დაშავდა.
„ყველაფერი იმაზე მიუთითებს, რომ თავდასხმაზე პასუხისმგებელი „ჰეზბოლაა“. საფრანგეთი მოითხოვს, რომ ლიბანის ხელისუფლებამ პასუხისმგებელი პირები დააკავოს“, - აცხადებს მაკრონი.
ლიბანის პრეზიდენტი ჯოზეფ აუნი ფრანგ კოლეგას ესაუბრა და პირობა დადო, რომ თავდასხმაზე პასუხისმგებელი პირები დაისჯებიან.
