ლოზუნგით - "მიეცით დიუშენით დაავადებულ ბავშვებს წამალი" - ფილარმონიიდან მთავრობის ადმინისტრაციამდე მარში მიმდინარეობს.

მარშის მონაწილეები მხარდაჭერას უცხადებენ დიუშენის დიაგნოზის მქონე ბავშვების მშობლებს.

როგორც მარშის ერთ-ერთმა ორგანიზატორმა კახა წიქარიშვილმა განაცხადა, დიუშენის კუნთოვანი დისტროფიის მქონე ბავშვების მშობლები 20 აპრილიდან, მთავრობის ადმინისტრაციასთან უწყვეტ აქციას დაიწყებენ.

აქციის მონაწილეები თანამედროვე სამკურნალო მედიკამენტების საქართველოში შემოტანას ითხოვენ.

შეგახსენებთ, საპროტესტო მარში ფილარმონიიდან პარლამენტის მიმართულებით ყოველ შაბათს ტარდება.

როგორც ცნობილია, პარლამენტთან საპროტესტო აქციები უწყვეტ რეჟიმში, 2024 წლის ნოემბრიდან მიმდინარეობს. პროტესტის მონაწილეები "ქართული ოცნების" პოლიტიკას აპროტესტებენ, ითხოვენ ახალ არჩევნებს და პროტესტის ფარგლებში დაკავებულთა გათავისუფლებას.