საფრანგეთმა და საბერძნეთმა თავდაცვის ხელშეკრულების მოქმედების ვადა გაახანგრძლივეს, - ინფორმაციას გამოცემა Bloomberg-ი ავრცელებს.

საფრანგეთის პრეზიდენტი, ემანუელ მაკრონი და საბერძნეთის პრემიერ-მინისტრი, კირიაკოს მიცოტაკისი ათენში გამართულ შეხვედრაზე შეთანხმდნენ, რომ 2021 წელს გაფორმებული თავდაცვის ხელშეკრულების მოქმედების ვადა კიდევ 5 წლით გაახანგრძლივონ.

„ფრანგულ-ბერძნული ურთიერთობები ნათელი მაგალითია იმისა, რომ აუცილებელია ევროპელებმა მეტი ევროპული პროდუქცია შეიძინონ, მეტი ევროპული პროდუქცია აწარმოონ და მეტი ევროპული ინოვაცია შექმნან“, - განაცხადა ემანუელ მაკრონმა.

ასევე, მხარეებმა სხვადასხვა სფეროში, მათ შორის, ბირთვული ტექნოლოგიების სფეროში თანამშრომლობის შესახებ რამდენიმე შეთანხმება გააფორმეს