დონალდ ტრამპი "თეთრი სახლის კორესპონდენტების ასოციაციის" სადილს პრეზიდენტის რანგში პირველად დაესწრო, - ინფორმაციას Reuters-ი ავრცელებს.

სააგენტოს ცნობით, ის ბოიკოტს უცხადებდა ღონისძიებას პრეზიდენტობის პირველი ვადის განმავლობაში და ასევე ბოიკოტი გამოუცხადა 2025 წელსაც.

Reuters-ი წერს, რომ "თეთრი სახლის კორესპონდენტთა ასოციაციის" სადილი დიდი ხანია აშშ-ის პრეზიდენტებსა და პრესას შორის არსებული არასტაბილური, მაგრამ მდგრადი ურთიერთობის სიმბოლოა.

1921 წელს დაარსებულ ყოველწლიურ ღონისძიებას ჟურნალისტები, მთავრობის მაღალჩინოსნები და სამოქალაქო პირები ესწრებიან.

მედია წერს, რომ სროლის ინციდენტი კონექტიკუტის გამზირზე მდებარე "ვაშინგტონ ჰილტონში" მოხდა - იმავე სასტუმროში, სადაც აშშ-ის ყოფილი პრეზიდენტი რონალდ რეიგანი დაჭრეს. სროლა 1981 წლის 30 მარტს მოხდა, როდესაც დამნაშავემ, ჯონ ჰინკლი უმცროსმა, რეიგანს ესროლა, როდესაც ის სასტუმროში სიტყვით გამოსვლის შემდეგ ლიმუზინში ბრუნდებოდა.