აშშ იმ პოზიციაში აღარ არის, რომ სხვა ქვეყნებს თავისი პოლიტიკა თავს მოახვიოს, - ამის შესახებ ირანის თავდაცვის მინისტრის მოადგილემ, რეზა ტალეი-ნიკიმ განაცხადა.

ირანის თავდაცვის მინისტრის მოადგილის განცხადებით, აშშ-მა „უკანონო და ირაციონალური მოთხოვნებზე უარი უნდა თქვას“.

„ამერიკის შეერთებული შტატები უკვე აღარ არის იმ პოზიციაში, რომ დამოუკიდებელ ქვეყნებს თავისი პოლიტიკა თავს მოახვიოს“, - განაცხადა ირანის თავდაცვის მინისტრის მოადგილემ.

ცნობისთვის, Reuters-ის ინფორმაციით, აშშ-ის პრეზიდენტმა დონალდ ტრამპმა მრჩევლებთან ერთად ომის დასრულების შესახებ ირანის უახლესი წინადადება განიხილა. გამოცემის წყაროების ცნობით, აშშ-ის პრეზიდენტი თეირანის წინადადებით უკმაყოფილოა.

გავრცელებული ინფორმაციით, ირანის წინადადება ჰორმუზის სრუტის გახსნას ითვალისწინებს, თუმცა ბირთვული პროგრამის საკითხის განხილვის გადადებას მოიცავს იქამდე, ვიდრე ომი არ დასრულდება და სპარსეთის ყურიდან გადაზიდვებთან დაკავშირებული დავები არ მოგვარდება.