ირანის რევოლუციის გუშაგთა კორპუსი აცხადებს, რომ ჰორმუზის სრუტის უსაფრთხო გავლა შესაძლებელი იქნება, - Sky News-ის ინფორმაციით, ამის შესახებ აღნიშნულია ირანის რევოლუციის გუშაგთა კორპუსის განცხადებაშია აღნიშნული.

„აგრესორის საფრთხეების ნეიტრალიზებითა და ახალი პროტოკოლების შემუშავებით, ჰორმუზის სრუტის გავლით უსაფრთხო და სტაბილური გადაადგილება უზრუნველყოფილი იქნება“, - აღნიშნულია განცხადებაში.

ირანის რევოლუციის გუშაგთა კორპუსი მადლობას უხდის სპარსეთის ყურისა და ომანის ყურის კაპიტნებსა და გემთმფლობელებს „ჰორმუზის სრუტის რეგულაციების დაცვისა და რეგიონული საზღვაო უსაფრთხოების ხელშეწყობისთვის“.

ცნობისთვის, აშშ-ის პრეზიდენტმა დონალდ ტრამპმა გამოაცხადა, რომ აშშ-ის ოპერაცია, რომელიც ჰორმუზის სრუტეში ჩარჩენილი გემების გაყვანას ისახავს მიზნად, მცირე დროით შეჩერდება. ტრამპის განმარტებით, ირანთან მოლაპარაკებებში „მნიშვნელოვან პროგრესს“ მიაღწიეს.