Axios - აშშ-მა და ირანმა შეთანხმებას მიაღწიეს, თუმცა დოკუმენტს დონალდ ტრამპის საბოლოო თანხმობა სჭირდება
აშშ-მა და ირანმა შეთანხმებას მიაღწიეს, თუმცა დოკუმენტს დონალდ ტრამპის საბოლოო თანხმობა სჭირდება , - ინფორმაციას გამოცემა Axios-ი ამერიკელ ოფიციალურ პირებსა და მოლაპარაკებების პროცესში ჩართულ რეგიონულ წყაროებზე დაყრდნობით ავრცელებს.
გამოცემის ინფორმაციით, აშშ-მა და ირანმა შეთანხმებას მიაღწიეს 60-დღიანი ურთიერთგაგების მემორანდუმის შესახებ, რომელიც ცეცხლის შეწყვეტის რეჟიმის გაგრძელებასა და ირანის ბირთვულ პროგრამასთან დაკავშირებით მოლაპარაკებების დაწყებას ითვალისწინებს.
თუმცა, გამოცემა წერს, რომ აშშ-ის პრეზიდენტს, დონალდ ტრამპს შეთანხმებაზე საბოლოო თანხმობა ჯერ არ გაუცია.
გამოცემის წყაროების ცნობით, ამერიკელმა მომლაპარაკებლებმა დონალდ ტრამპს შეთანხმების დეტალების შესახებ აცნობეს, თუმცა დონალდ ტრამპს დოკუმენტი ჯერჯერობით არ დაუმტკიცებია.
„პრეზიდენტმა შუამავლებს აცნობა, რომ ამის შესახებ ფიქრისთვის რამდენიმე დღე სჭირდება“, - აღნიშნა ერთ-ერთმა ამერიკელმა მაღალჩინოსანმა.
