მიუნხენის აეროპორტი დრონის სავარაუდო დაფიქსირების გამო დროებით დაიხურა, - ინფორმაციას Bild-ი ავრცელებს.

ადგილობრივი პოლიციის ცნობით, საეჭვო ობიექტი, სავარაუდოდ დრონი, აეროპორტის მახლობლად დააფიქსირეს.

მიუნხენის აეროპორტი დაახლოებით ერთი საათის განმავლობაში დაიხურა და მოგვიანებით გაიხსნა.

ფედერალურ პოლიციაში განაცხადეს, რომ პოლიციელებმა ადგილზე საეჭვო ობიექტის ნიშნები ვერ იპოვეს.

შეფერხების შედეგად 26 რეისი გადამისამართდა, ხოლო სამი რეისი გაუქმდა.