რელიგიის საკითხთა სახელმწიფო სააგენტო მაცხოვრის სულთმოფენობის დღესასწაულს ულოცავს სულიერ ქრისტიან-მოლოკანთა თემს, საქართველოს ბაპტისტური ეკლესიების გაერთიანებას, ევანგელურ-პროტესტანტულ ეკლესიას, სახარების რწმენის ეკლესიასა და საერთაშორისო ორგანიზაციის „ხსნის არმია" წარმომადგენლობას საქართველოში.

რელიგიის საკითხთა სახელმწიფო სააგენტოს ცნობით, სულთმოფენობა აღდგომიდან 50-ე დღეს აღინიშნება. წმინდა მოციქულებზე აღსრულებული სულთმოფენობის შემდეგ, ეს დღესასწაული არა მხოლოდ წარსული მოვლენების გახსენებას, არამედ ეკლესიაში საღვთო სულის განუწყვეტელი მყოფობის ნიშანს წარმოადგენს.