ბათუმში სროლის შედეგად მამაკაცი დაიღუპა
ბათუმში გასროლის შედეგად ერთი ადამიანი დაიღუპა. არსებული ცნობებით, მოკლული შუა ხნის მამაკაცია.
შემთხვევა სევერიანე აჭარელის ქუჩაზე მოხდა, ადგილზე სამართალდამცავები და ექსპერტ კრიმინალისტები მუშაობენ.
ტერიტორია ყვითელი ლენტით არის შემოსაზღვრული.
ინციდენტის მიზეზი და სხვა დეტალები ჯერჯერობით უცნობია.
როგორც საქართველოს შინაგან საქმეთა სამინისტროში “ინტერპრესნიუსს” განუცხადეს, ბათუმში მომხდარ მკვლელობის ფაქტზე, გამოძიება 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის უკანონო გამოყენებას გულისხმობს.
