პრეზიდენტ ტრამპს ვუთხარი, რომ თუ „ჰეზბოლა“ ჩვენს ქალაქებზე თავდასხმას არ შეწყვეტს, ისრაელი ბეირუთში ტერორისტულ სამიზნეებს დაარტყამს, - ამის შესახებ ისრაელის პრემიერ-მინისტირი, ბენიამინ ნეთანიაჰუ სოციალურ ქსელში წერს.

„დღეს საღამოს პრეზიდენტ ტრამპს ვესაუბრე და ვუთხარი, რომ თუ „ჰეზბოლა“ ჩვენს ქალაქებსა და მოქალაქეებზე თავდასხმას არ შეწყვეტს, ისრაელი ბეირუთში ტერორისტულ სამიზნეებს დაარტყამს“, - წერს ნეთანიაჰუ X-ზე.

მისი თქმით, ისრაელის „ეს პოზიცია უცვლელი რჩება“.

„პარალელურად, ისრაელის თავდაცვის ძალები სამხრეთ ლიბანში მოქმედებას გეგმის მიხედვით გააგრძელებს“, - აცხადებს ისრაელის პრემიერ-მინისტრი.