ირანის ისლამური რევოლუციის გუშაგთა კორპუსის განცხადებით, რეგიონში ამერიკულ ბაზებს და ჰორმუზის სრუტის მახლობლად მდებარე გემს დაარტყეს.

მათი მტკიცებით, დარტყმები იყო პასუხი აშშ-ის მიერ ირანთან დაკავშირებულ ნავთობტანკერსა და კეშმის კუნძულზე განხორციელებულ დარტყმებზე, - ინფორმაციას CNN-ი ავრცელებს.

ირანის ისლამური რევოლუციის გუშაგთა კორპუსმა ასევე განაცხადა, რომ რაკეტები ესროლეს გემს, ლიბერიის დროშის ქვეშ მცურავ Panaya-ს, ირანის მნიშვნელოვანი ნავთობპორტის, ხარგის კუნძულისკენ მიმავალ ნავთობტანკერზე აშშ-ის მიერ განხორციელებული დარტყმის საპასუხოდ.

ირანმა განაცხადა, რომ რაკეტებითა და დრონებით საპასუხო თავდასხმები განახორციელა ამერიკის საჰაერო და ვერტმფრენების ბაზაზე, ასევე აშშ-ის მეხუთე ფლოტის შტაბბინაზე, რომელიც ბაჰრეინში მდებარეობს.

აშშ-ის ცენტრალურმა სარდლობამ უარყო ირანის მტკიცება, რომ ბაჰრეინში აშშ-ის მეხუთე ფლოტის შტაბ-ბინა და რეგიონში აშშ-ის საჰაერო ბაზა დაბომბეს. CENTCOM-ის ინფორმაციით, ირანმა რაკეტები ისროლა როგორც ქუვეითის, ასევე ბაჰრეინის, მიმართულებით, მაგრამ ქუვეითისკენ გასროლილი რაკეტები გზაში ჩამოვარდა ან დაიშალა, ბაჰრეინისკენ გასროლილი რაკეტები კი აშშ-ისა და ბაჰრეინის საჰაერო თავდაცვის ძალებმა მოიგერიეს.