გვქონდა პირველი შეხვედრა დიუშენით დაავადებული ბავშვის მშობლებთან, სადაც კიდევ ერთხელ გავცვალეთ მოსაზრებები და ინფორმაცია სხვადასხვა საკითხთან დაკავშირებით - იმედი გვაქვს, რომ ჩვენ ერთად მოვძებნით ამ საკითხის გადაჭრის გზებს, - ამის შესახებ პრემიერ-მინისტრმა ირაკლი კობახიძემ განაცხადა.

ირაკლი კობახიძის თქმით, აღნიშნული საკითხი ძალიან მგრძნობიარეა და მისი გასაწყვეტისას პირველ რიგში ბავშვების ინტერესებიდან უნდა ამოვიდეთ.

„დღეს გვქონდა პირველი შეხვედრა, სადაც კიდევ ერთხელ, გავცვალეთ მოსაზრებები, ინფორმაცია სხვადასხვა საკითხთან დაკავშირებით, მათ შორის კონკრეტულად მედიკამენტებთან დაკავშირებით. ეს იყო დღევანდელი შეხვედრის მიზანი. თავიდანვე, შეხვედრის დასაწყისშივე შევთანხმდით, რომ უახლოეს მომავალში, მაქსიმუმ ზეგ დილამდე შედგება მეორე შეხვედრა, სადაც უკვე იმედი გვაქვს, რომ ერთად დავსახავთ საკითხის გადაჭრის გზებს. ეს იქნება უკვე მეორე შეხვედრის მიზანი, რომელიც მაქსიმუმ ზეგ დილისთვის შედგება. იმედი მაქვს, რომ ამ საკითხს ერთობლივად გადავწყვეტთ. რა თქმა უნდა, ძალიან მგრძნობიარე საკითხია და პირველ რიგში ჩვენ უნდა ამოვიდეთ ბავშვების ინტერესებიდან. იმედი გვაქვს, რომ ჩვენ ერთად მოვძებნით ამ საკითხის გადაჭრის გზებს“, - განაცხადა ირაკლი კობახიძემ.