ხანგრძლივი მშვიდობისკენ გზაზე პირველი ნაბიჯი ცეცხლის შეწყვეტა უნდა იყოს , - ამის შესახებ უკრაინის პრეზიდენტმა, ვოლოდიმირ ზელენსკიმ ტალინში ესტონეთის პრეზიდენტ ალარ კარისთან ერთად გამართულ პრესკონფერენციაზე განაცხადა.

„ჩემი აზრით, უმჯობესია, რომ ცეცხლის შეწყვეტისთვის ლიდერების დონეზე შეხვედრა შედგეს. რა თქმა უნდა, უკრაინის, რუსეთისა და ევროპის მონაწილეობით. სასურველია, რომ ევროპისა და აშშ-ის მონაწილეობით. რატომ ევროპა? იმიტომ, რომ ჩვენ ევროპაში ვართ“, - განაცხადა ზელენსკიმ.

მისი თქმით, ომისგან ევროპული ქვეყნებიც ზარალდებიან, კერძოდ დრონების გამო.

„ეს ჩვენი მიწაა, ჩვენი კონტინენტია და დარწმუნებულები უნდა ვიყოთ, რომ ხვალ უსაფრთხო ცხოვრება გვექნება. სწორედ ამ ქვეყნებმა უნდა აწარმოონ მოლაპარაკებები. უკრაინას ამის ნება აქვს, ვნახოთ ექნება თუ არა რუსეთს მსგავსი ნება. მათ ჯერჯერობით ეს არ უჩვენებიათ“, - აღნიშნა უკრაინის პრეზიდენტმა.