რაღაც აბსურდთან გვაქვს საქმე, - ამის შესახებ „საქართველოს რკინიგზის“ საქმეზე დაკავებულმა ანზორ ჯამალაშვილმა სასამართლო პროცესზე განაცხადა.

მისი თქმით, პირველად ხედავს აღნიშნულ საქმეზე ბრალდებულებს და ასევე არ იცნობს ყოფილ ხელმძღვანელ, დავით ფერაძესაც.

“პირველად ვხედავ ამ ადამიანებს. დავით ფერაძესაც არ ვიცნობ. რაღაც აბსურდთან გვაქვს საქმე”, - განაცხადა ანზორ ჯამალაშვილმა.

ჯამალაშვილის ადვოკატის თქმით, მისი დაცვის ქვეშ მყოფის მიმართ აღკვეთის ღონისძიების სახით არცერთი ღონისძიება არ უნდა იქნას გამოყენებული.

ამასთან, ადვოკატმა მოსამართლეს ალტერნატივის სახით 10 000 ლარის ოდენობის გირაო შესთავაზა.