საზოგადოებრივი მაუწყებლის სამეურვეო საბჭოს წევრებს პარლამენტი ხვალ, 23 ივნისს აირჩევს.

ამის შესახებ პარლამენტის თავმჯდომარემ, შალვა პაპუაშვილმა ბიუროს სხდომაზე განაცხადა.

“კენჭსაყრელ საკითხებში იქნება მაუწყებლობის სამეურნეო საბჭოს წევრების არჩევა. იცით, რომ სამი კვოტა იყო - ერთი უმრავლესობიდან და ორი ოპოზიციის. ოპოზიციის მხრიდან „ხალხის ძალამ“ დაასახელა დავით ქართველიშვილი კანდიდატურად. ფრაქცია „საქართველოსთვის“ დაასახელეს სამი კანდიდატურა: თეა გეგენავა, ელისო გაბადაძე და თეიმურაზ კეკელიძე. ფრაქცია „ქართულმა ოცნებამ“ დაასახელა გიორგი მურღულიას კანდიდატურა. გვექნება კენჭისყრები ამ კანდიდატურებზე“, - განაცხადა პაპუაშვილმა.