თბილისში, დაისის ქუჩაზე კაცი დაჭრეს. არსებული ინფორმაციით, ახალგაზრდა მამაკაცი ცეცხლსასროლი იარაღით არის დაჭრილი. დაჭრის ფაქტი გამთენიისას მოხდა.

როგორც „ინტერპრესნიუსს“ შინაგან საქმეთა სამინისტროში განუცხადეს, ფაქტთან დაკავშირებით ჯერჯერობით შსს-ს არავინ დაუკავებია.

მომხდართან დაკავშირებით გამოძიება, სსსკ 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს, ასევე სსსკ 236-ე მუხლით, რაც ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენას, შენახვას, ტარებას, დამზადებას, გადაზიდვას, გადაგზავნას ან გასაღებას გულისხმობს.