ავიაკომპანია Air Astana ყაზახეთსა და საქართველოს შორის პირდაპირი ფრენების 15 წლის იუბილეს აღნიშნავს და ხაზს უსვამს საჰაერო კავშირის როლს ორ ქვეყანას შორის ტურისტული, ბიზნეს და კულტურული ურთიერთობების გაძლიერებაში.

მნიშვნელოვანი თარიღი Air Astana-მ თბილისში გამართულ მედიაღონისძიებაზე აღინიშნა, რომელსაც სამგზავრო და სატვირთო გადაზიდვების გაყიდვების დირექტორი სერიკ რის-ული და კავკასიის რეგიონული გენერალური მენეჯერი კარლიგაშ ომურბაევა ესწრებოდნენ. 2011 წლის ივნისში ალმატისა და თბილისს შორის პირველი პირდაპირი რეისის ჩაშვების შემდეგ, Air Astana-მ სტაბილურად გააფართოვა თავისი წარმომადგენლობა საქართველოს ბაზარზე. დღეს Air Astana Group ფრენებს ახორციელებს ალმატის, ასტანას, ატირაუსა და აქტაუს ჰაბებიდან საქართველოს სამი ქალაქის - თბილისის, ბათუმისა და ქუთაისის მიმართულებით. 2025 წელს Air Astana Group-მა ყაზახეთსა და საქართველოს შორის 270,000-ზე მეტი მგზავრი გადაიყვანა, რაც წინა წელთან შედარებით 17%-იან ზრდას წარმოადგენს. 2026 წლის ზაფხულის სეზონზე Air Astana და FlyArystan ორ ქვეყანას შორის კვირაში 44-მდე რეისს ასრულებენ, მათ შორის 25 ფრენას Air Astana, ხოლო 19-ს - FlyArystan ახორციელებს.

ღონისძიებაზე სიტყვით გამოსვლისას სერიკ რის-ულიმ აღნიშნა საქართველოს მზარდი მნიშვნელობა ავიაკომპანიის რეგიონულ ქსელში.

„გასული 15 წლის განმავლობაში ყაზახეთსა და საქართველოს შორის მგზავრთნაკადი მნიშვნელოვნად გაიზარდა. მყარი პირდაპირი კავშირები, მზარდი ტურისტული ნაკადები და გაფართოებული ბიზნესკავშირები კვლავაც უზრუნველყოფს მოთხოვნის ზრდას საჰაერო მიმოსვლაზე ჩვენს ქვეყნებს შორის“, - განაცხადა მან.

ავიაკომპანიის წარმომადგენლებმა ასევე გაამახვილეს ყურადღება ალმატისა და ასტანას ჰაბების მზარდ როლზე, როგორც აზიის მიმართულებით გადასასვლელ კარიბჭეებზე. ახლახან, Air Astana-მ თავისი ქსელი მუმბაისა და გუანჯოუს ახალი რეისებით გააფართოვა, ხოლო FlyArystan-მა ფრენები დაიწყო ჩინეთის ქალაქების - ინინის, სიანისა და ურუმჩის მიმართულებით. აღნიშნული მიმართულებები ქართველი მგზავრებისთვის ხელმისაწვდომია ყაზახეთის გავლით, მოსახერხებელი ტრანზიტული კავშირებით, რაც ავსებს Air Astana-ს არსებულ ქსელს ცენტრალურ აზიაში, ევროპაში, სამხრეთ-აღმოსავლეთ აზიასა და სხვა რეგიონებში. ავიაკომპანიის წარმომადგენლებმა კონკურენტულ საავიაციო გარემოში მომსახურების ხარისხის მნიშვნელობაზეც ისაუბრეს. Air Astana ფლობს APEX-ის ხუთვარსკვლავიანი მსხვილი ავიაკომპანიის (Five Star Major Airline) რეიტინგს და Skytrax-ის მიერ ზედიზედ 14 წელია აღიარებულია ცენტრალურ აზიასა და დსთ-ში საუკეთესო ავიაკომპანიად.

კომპანიამ ხაზი გაუსვა ავიაფლოტის მოდერნიზაციაში მიმდინარე ინვესტიციებსაც. Air Astana-ს Airbus Neo-ს ოჯახის თვითმფრინავები აღჭურვილია ახალი თაობის ძრავებით, რომლებიც წინა თაობის ხომალდებთან შედარებით საწვავის ნაკლებ მოხმარებასა და მავნე გამონაბოლქვის შემცირებას უზრუნველყოფს.

საქართველო ასევე გახდა მზარდი და მნიშვნელოვანი ბაზარი იმ ტრანზიტული მგზავრებისთვის, რომლებიც Air Astana-ს ალმატისა და ასტანას ჰაბებით სარგებლობენ. ხანგრძლივი გადაჯდომის შემთხვევაში, მოგზაურებს შეუძლიათ ისარგებლონ ავიაკომპანიის პროგრამით „Stopover Holiday“, რომელიც მოიცავს სასტუმროში განთავსებასა და ქალაქის ტურებს; პაკეტების ღირებულება პირველი ღამისთვის 30 აშშ დოლარიდან იწყება. თბილისში პირველი რეისის შესრულებიდან 15 წლის შემდეგ, Air Astana აგრძელებს მნიშვნელოვანი როლის შესრულებას ყაზახეთსა და საქართველოს დაკავშირებაში - ის მგზავრებს მოგზაურობის ფართო შესაძლებლობებს სთავაზობს და ამავდროულად ხელს უწყობს ორ ქვეყანას შორის უფრო მჭიდრო ეკონომიკურ, ტურისტულ და კულტურულ თანამშრომლობას.

Air Astana Group-ის შესახებ:

Air Astana Group არის უმსხვილესი ავიაკომპანიების ჯგუფი ცენტრალურ აზიასა და კავკასიაში შემოსავლებისა და ფლოტის ზომის მიხედვით. ჯგუფი მართავს 63 საჰაერო ხომალდისგან შემდგარ ფლოტს თავისი სრული სერვისის მქონე გადამყვანის, 2002 წელს დაარსებული Air Astana-სა და 2019 წელს ჩაშვებული დაბალბიუჯეტიანი ავიაკომპანია FlyArystan-ის მეშვეობით.

(R)