პოლონეთის ვიცე-პრემიერმა და ეროვნული თავდაცვის მინისტრმა ვლადისლავ კოსინიაკ-კამიშმა განაცხადა, რომ პოლონეთი არ დათანხმდება უკრაინის ევროკავშირში გაწევრიანებას, თუ კიევი არ უარს არ იტყვის “უკრაინელი ნაციონალისტების ორგანიზაციისა“ და „უკრაინის მეამბოხეთა არმიის“ ლიდერების, განსაკუთრებით კი სტეპან ბანდერას, პატივისცემასა და განდიდებაზე, - ინფორმაციას უკრაინული მედია ავრცელებს.

ვლადისლავ კოსინიაკ-კამიშის თქმით, თუ უკრაინა იტყვის “უკრაინელი ნაციონალისტების ორგანიზაციისა“ და „უკრაინის მეამბოხეთა არმიის“ ეროვნულ სიმბოლოებად გამოყენებას გააგრძელებს, ევროკავშირში ინტეგრაციისას მნიშვნელოვანი პრობლემები შეექმნება. კოსინიაკ-კამიშმა ხაზგასმით აღნიშნა, რომ პოლონეთი მტკიცე პოზიციას დაიკავებს და მოითხოვს, რომ უკრაინამ უარი თქვას უკრაინის ნაცისტური მოძრაობის ლიდერების პატივისცემასა და განდიდებაზე.

„ევროკავშირში არ შეიძლება კვარცხლბეკზე აყენებდნენ იმ ადამიანებს, რომლებიც ევროპულ თანამშრომლობას ძირს უთხრიან. ბანდერასთან ერთად უკრაინა ევროკავშირში ვერ გაწევრიანდება,“ - აღნიშნა პოლონეთის ვიცე-პრემიერმა.

მისი თქმით, პოლონეთი დამოუკიდებლად მიიღებს გადაწყვეტილებებს ბლოკის გაფართოებასთან დაკავშირებით და ვერავინ უკარნახებს, თუ როგორ მისცენ ხმას ამ საკითხზე.