უკრაინის შეიარაღებული ძალების უპილოტო სისტემების ძალების დანაყოფებმა რუსეთის „ჩრდილოვანი ფლოტის“ კიდევ 15 გემზე განახორციელეს იერიში, - ინფორმაციას უკრაინის უპილოტო სისტემების ძალების მეთაური რობერტ ბროვდი, მეტსახელად „მადიარი“, სოციალურ ქსელში ავრცელებს.

„13 ივლისის ღამეს, უკრაინის უპილოტო სისტემების ძალების თავისუფლებისმოყვარე „ჩიტმა“ რუსეთის „ჩრდილოვანი ფლოტის“ 15 გემზე ინადირა“, - განაცხადა რობერტ ბროვდიმ სოციალურ ქსელში.

მისივე განცხადებით, 8 დღის განმავლობაში, 6 -13 ივლისის პერიოდში, ჯამში 105 გემზე მიიტანეს იერიში.

როგორც ბროვდი აღნიშნავს, ოკუპირებული ყირიმის სატრანზიტო-გადამზიდ ინფრასტრუქტურაზე დარტყმები ყოველღამე ხორციელდება, ქერჩის სრუტეში მოძრაობა შეჩერებულია და ტვირთების გადმოტვირთვის პროცესიც მინიმუმამდეა შემცირებული.