აშშ ირანის წინააღმდეგ დარტყმების ახალ ტალღას ახორციელებს, - ინფორმაციას აშშ-ის ცენტრალური სარდლობა (CENTCOM) ავრცელებს.

აშშ-ის ცენტრალური სარდლობის განცხადებით, დარტყმების მიზანს ირანის სამხედრო შესაძლებლობების დასუსტება წარმოადგენს.

„დღეს, აღმოსავლეთის დროით დილის 06:00 საათზე, აშშ-ის ცენტრალური სარდლობის ძალებმა ირანის წინააღმდეგ დარტყმების ახალი ტალღა დაიწყეს. დარტყმების მიზანს წარმოადგენს იმ სამხედრო შესაძლებლობების შემდგომი დასუსტება, რომლებსაც ირანის შეიარაღებული ძალები ჰორმუზის სრუტეში კომერციულ გემებზე თავდასხმისთვის იყენებენ“, - აცხადებს CENTCOM-ი.

ცნობისთვის, აშშ-მა ირანის წინააღმდეგ დარტყმები გასულ ღამესაც განახორციელა. აშშ-ის ცენტრალური სარდლობის განცხადებით, ირანის დრონებისა და რაკეტების ობიექტებზე, ასევე სანაპირო თავდაცვის სისტემებზე დარტყმები შვიდი საათის განმავლობაში გრძელდებოდა.