თბილისის საქალაქო სასამართლოში, პოლიციის ყოფილი მაღალჩინოსნის, პოლკოვნიკ იოსებ სიგუას საქმესთან დაკავშირებული პროცესი მიმდინარეობს. მას ყოფილი მეუღლე ფიზიკურ ძალადობასა და მუქარაში ადანაშაულებს.

დღევანდელ სხდომაზე სასამართლო იოსებ სიგუასთვის შემაკავებელი ორდერის გაუქმების საკითხს განიხილავს.

სხდომას ესწრება იოსებ სიგუა და მისი ყოფილი მეუღლე, სოფიო სიგუა-შატბერავა.

საქმეს მოსამართლე ლელა გოგიშვილი იხილავს, რომელმაც სხდომის დახურვის გადაწყვეტილება მიიღო, შესაბამისად მედიას სასამართლო პროცესის დატოვება მოუწია.

შეგახსენებთ, იოსებ სიგუას მეუღლემ, სოფია სიგუა-შატბერავამ „ნოდარ მელაძის შაბათში“ განაცხადა, რომ იოსებ სიგუა მას სიცოცხლის მოსპობით, მე-12 სართულიდან გადაგდებით, კასრში ჩასმითა და დამარხვით ემუქრებოდა. პოლიციის ყოფილ მაღალჩინოსანს ამ დროისთვის ელექტრონული სამაჯური აქვს შებმული.