იოსებ სიგუა ყოფილი მეუღლის ბრალდებებს „აბსურდს“ უწოდებს
რა უნდა გითხრათ, ამდენი აბსურდი... ამ ეტაპზე, ვერაფერს გეტყვით, - ასე უპასუხა “ინტერპრესნიუსს” პოლიციის ყოფილმა მაღალჩინოსანმა, იოსებ სიგუამ, რომელსაც ყოფილი მეუღლე სოფიო სიგუა-შატბერავა ფიზიკურ ძალადობასა და მუქარაში ადანაშაულებს.
მცირე კომენტარი იოსებ სიგუამ თბილისის საქალაქო სასამართლოში, სხდომის დასრულების შემდგომ გააკეთა და კითხვის საპასუხოდ აღნიშნა, რომ ყველაფერი აბსურდია.
დღევანდელ სხდომას ესწრებოდა როგორც იოსებ სიგუა, ისე მისი ყოფილი მეუღლე.
საქმეს მოსამართლე ლელა გოგიშვილი იხილავდა, რომელმაც სხდომის დახურვის გადაწყვეტილება მიიღო.
შეგახსენებთ, იოსებ სიგუას მეუღლემ, სოფია სიგუა-შატბერავამ „ნოდარ მელაძის შაბათში“ განაცხადა, რომ იოსებ სიგუა მას სიცოცხლის მოსპობით, მე-12 სართულიდან გადაგდებით, კასრში ჩასმითა და დამარხვით ემუქრებოდა.
