გეგმიური სარეაბილიტაციო სამუშაოების გამო, თიანეთსა და დუშეთის მუნიციპალიტეტებში აბონენტების ნაწილს ელექტროენერგიის მიწოდება შეეზღუდებათ.

ამის შესახებ ინფორმაციას „ენერგო-პრო ჯორჯია“ ავრცელებს.

მათი ცნობით, ელექტროენერგიის მიწოდება შაიზღუდება 17 ივლისს 10:00 საათიდან თიანეთის მუნიციპალიტეტშო, 12:00 - დან კი დუშეთის მუნიციპალიტეტში.

„ქსელის გეგმური სარეაბილიტაციო სამუშაოების გამო, 17 ივლისს 10:00-დან 18:00 საათამდე ელექტროენერგიის მიწოდება შეეზღუდება აბონენტებს თიანეთის მუნიციპალიტეტის სოფლებში საყდრიონი, ღულელები, ნადოკრა და მიმდებარე სოფლებში; 12:00-დან 14:00 საათამდე აბონენტებს დუშეთის მუნიციპალიტეტის სოფლებში ჩანადირთკარი, მლაშე, ბაგა, ბაგიჭალა, ლაზვიანი და მიმდებარე სოფლებში. სარეაბილიტაციო სამუშაოების დასრულების თანავე, ელექტროენერგიის მიწოდება აღდგება ჩვეულ რეჟიმში“, - ნათქვამია ინფორმაციაში.